Hein wys gevolge van pit bulterriër se aanval
Die man wie se hande op 28 Mei erg verskeur is deur sy pit bulterriër, se verbande is afgehaal en hy was verstom hoe dit genees het.
Hein Janse van Rensburg se verbande is hierdie week afgehaal nadat hy twee keer in die teater was in die Life Midmed Hospitaal om die ernstige wonde te heg.
Aan die hand van ’n video het hulle gewys hoe die dokters selfs een van sy naels weer moes heg met ’n steek.
Alhoewel sy hande nog erg geswel is, is die plekke wat met steke geheg moes word, besig om mooi te genees.
Sodra die wonde gesond genoeg is, sal daar met fisioterapie begin word.
• Rocky, die pit bulterriër, het altyd saam met die kinders op hul beddens geslaap en die gesin wonder steeds wat hom die dag van die aanval skielik so aggressief gemaak het. Hy is dieselfde dag na ’n plaas geneem en uitgesit.
• Hein was vir ’n paar dae in die Life Midmed Hospitaal en omdat hulle nie ’n mediese fonds het nie, beloop hul uitgawes etlike duisende rande.
Die fisioterapie moet ook kontant betaal word.
Persone wat met die mediese rekeninge bydraes wil lewer, kan 079 183 1059 bel (rekeningbesonderhede sal verskaf word).
Lees ook:
