Motorfietsdiewe keer terug om handewerk klaar te maak
Net ’n paar maande nadat motorfietse by ’n huis in Kanonkop gesteel en tydens ’n klopjag by die Uitkyk informele nedersetting teruggekry is, het die diewe weer toegeslaan.
Op sosiale media word daar gesê dat die motorfietse deur die loop van die nag in Duikerstraat gesteel is, maar mnr. Ben Roestoff het bevestig dat die motorfietse by hul huis in Blesbokstraat gesteel is.
Hul boerboel, Cody, is ook vergiftig.
Lees ook:
Mnr. Roestoff het genoem dat die boewe drie motorfietse en gedeeltes van hul Suzuki motorfiets, wat nog nie alles aanmekaar gesit is nie, gesteel het.
Die diewe het in Novembermaand die motorfietse gesteel en is dit kort daarna tydens ’n reuse klopjag by ’n onwettige wrakwerf (chop-shop) weer aan hulle terugbesorg. Van die motorfietse was reeds uitmekaar gehaal.
Lees ook:
Laasnag het die booswigte die voorste hek en die motorhuis se slotte gebreek, om by die motorfietse uit te kom.
Dié keer het die boewe met buiten die Suzuki se parte, ook weggekom met ’n LTZ 400 vierwiel aangedrewe motorfiets, ’n YZ 250 Yamaha veldmotorfiets en ’n GS 1200cc BMW.
• As enige persoon die motorfietse iewers opmerk, bel mnr. Roestoff by 082 889 2403.
