News
Een dood, paar mense beseer in ongelukke vanoggend
’n Voetganger is vanoggend dood en ’n paar mense beseer in verskeie ongelukke in en om Middelburg.
Die voetganger is vroegoggend doodgery op die hoek van Mandela- en Samekomsstraat (Die voetganger wat doodgery is, se identiteit is nog onbekend).
Net daarna het ’n kar gerol op die N4.
Minute later het die verskillende nooddienste wat op die genoemde tonele was, ’n uitroep gekry na die ongeluk op die hoek van Bhimy Damane- en Meyerstraat waar ’n voertuig en ’n motorfiets in ’n botsing betrokke was.
Mid Towing se insleepspan het hulp verleen op die ongelukstoneel in Meyerstraat en is genoem dat daar gelukkig nie ernstige beserings was nie.
