Daar is sopas danksegging by Laerskool Kanonkop gebring vir Lilie Fouché se tuiskoms, na meer as 30 dae in die hospitaal.
Soos haar ma Marna tydens die danksegging getuig het, kyk almal nou net vorentoe.
Lilie se pa Morné is op 19 September oorlede in ‘n botsing.
Lilie was saam hom in die kar.
Kort na die ongeluk het honderde byeengekom om vir Lilie se herstel te bid.
@middelburgobserver ‘n Boom van Lewe en briefies vir Lilie
Vandag het sy self die skoolsaal ingeloop, waar skoolhoof Riaan Kruger haar terug verwelkom het met die weergalming van ‘n ramshoring.
Daar is later na die hoek van Oribi en Lilian Ngoyistraat beweeg waar Lilie die banier wat vir haar opgesit is, en vra vir gebede, self verwyder het.
In die skoolsaal het almal hartroerende boodskappies op ‘n spesiale portret met die boom van die lewe daarop, vir Lilie geskryf.
Meer in volgende week se uitgawe van die Middelburg Observer.
