Marietjie Britz het gister snikkend afskeid geneem van haar geliefde donkie, Leah.

Leah het almal altyd begroet met haar snuffelende neus vir iets om aan knibbel. Boonop het sy baie sagkens gewerk met al die kinders wat by Amora Dierepark gaan kuier het by die Middelburg Stasie.

Die donkie gaan nou op ’n plaas bly in haar eie kamp. Marietjie het gesê dat Leah gister klaar ‘ingetrek’ het in haar kamp. “Sy gaan baie gelukkig wees daar, want daar is selfs ’n reuse appelkoosboom vir koelte.”

• Amora Dierepark het gesluit en het Marietjie aangedui dat al die diere huise gekry het.

Lees ook: Amora Dierepark maak toe

• Sy wil graag al die persone wat by die park stalletjies gehad het, asook die ouers en kinders wat hulle deur die jare ondersteun het, van harte bedank.

@middelburgobserver

Sad News: Amora Animal Park has sadly been closed. Fortunately, Leah the donkey was relocated to a farm.

♬ original sound – MiddelburgObserver – MiddelburgObserver