Volgens Arthur Hill was Dagpatrollielede gister ingelig oor ’n boom wat in Maroelastraat omgeval het.

Dagpatrollielede het soos Maandag, die nodige toerusting geneem om die boom op te saag en die takke te verwyder.

“Die boom het na gistermiddag se wind middeldeur geskeur en die hele pad versper. Ons was skaars tien minute besig, toe DA Raadslid Johann Dyason gereël het dat die munisipale parke-afdeling ook hand by sit. Ons was bly vir die ekstra hande. Die stompe lê tans op die sypaadjie, maar parke sal waarskynlik vandag verder kom opruim.”