Die jong man wat vanmiddag net na 15:00 in ‘n motorfietsongeluk in Kanonkop betrokke was, het weens sy beserings gesterf.

Die joernalis het Zain Powell (25) se familie geskakel om te verneem hoe dit met hom gaan, waarop die manspersoon wat die selfoon geantwoord het, gesê het dat hy oorlede is.

Daar is op Facebook gevra dat almal respek aan die familie sal betoon en in hul gebede aan hulle sal dink.