Lede van die gemeenskapspolisiëringsforum/Gemeenskap in Blou het diewe só groot laat skrik, dat hulle hul buit, ’n kragopwekker, op ’n sypaadjie agtergelaat het.

Juanitha Groenewald (voorsitter, GPF/Gemeenskap in Blou) sê hulle het Saterdagaand patrollie gery in Mineralia toe hulle ’n kragopwekker opmerk op die hoek van Verdoorn- en Hoogstraat.

“Ons het nie die diewe gesien nie, maar hulle het ons waarskynlik gesien en weggehardloop. Hulle het die kragopwekker op die sypaadjie gelos.”

• Juanitha sê die kragopwekker is polisiestasie toe gevat en kan die eienaar daarvan dit daar gaan opeis.