Riool wat elke keer uitstoot en in die Klein Olifantsrivier beland, word nou uitgesorteer!

Talle inwoners, stappers en besoekers aan Middelburg het die Observer gekontak rakende riool wat in die rivier inloop vanaf die Kees Taljaardstadion se kant af.

Raadslede Helda de Klerk en Johan Dyason het gemeld dat hulle dit ‘al verskeie kere’ aangemeld het.

Dit blyk dat dit elke keer na baie reën ’n probleem word, want die stormwaterlyne wat nie gereeld skoongemaak nie, spoel oor en beland in die rioollyn, wat op sy beurt oorloop en dan afloop na die Klein Olifants.

• Hulle is gister in kennis gestel dat die munisipaliteit die rioollyn probeer skoonmaak het, maar dit het nie gewerk nie en het hulle ook gister begin oopgrawe om daardie spesifieke stuk rioolpyp te vervang.