Sonette Annandale (58) besef haar optrede kon fataal gewees het, maar sy was só kwaad dat sy reageer het sonder om aan die nagevolge te dink.

Sy het uit haar kar uit gespring nadat daar aan haar passasiersdeur geruk is en die man só sleg gesê, dat hy ‘n arrogant ‘n simpel antwoord vir haar gegee het en weg geloop het.

Sonette het omstreeks 13:30 uitgery by die Sewede Laan Sentrum in Walter Sisulustraat.

“Ek hoef eintlik net na regs te gekyk het, want ek sou links draai in Walter Sisulustraat in. Ek het egter links gekyk en vasgekyk in die man wat aan my passasiersdeur geruk het.”

Sonette hou altyd haar sentrale sluitstelsel gesluit en haar venster was net op ‘n skrefie oop. Sy was dus veiig in haar kar, maar sy het woedend uitgespring en op hom begin skree.

“Ek het vir hom geskree: ‘Don’t f.. with me! Get away from my car! You don’n know me! Get away from me!”

Nog voordat sy klaar geskree het, het daar skielik ses skoolkinders, wat bestaan het uit seuns en dogters weerskante van haar kom staan en vir haar aanmekaar gesê: “you tell him mam.”

Sonette weet nie of die booswig oorbluf of net pleinweg arrogant was nie, want hy het koel en kalm haar teruggesnou: “I thought you wanted to give me a lift!” Daarna het hy rustig weggeloop.

Sy wonder of hy nie dalk gedink het sy is ‘n maklike teiken nie, want ‘n vriendin se rolstoel (wie sy dorp toe geneem het) was nog op die agtersitplek.

“Ek mag dalk weerloos gelyk het, maar ek is vreesloos. Ek weet egter dit was ‘n dom ding om te doen. Ek wil egter almal weer herinner om ten alle tye hul kardeure gesluit te hou.”

• Sonette wil graag die skoolkinders bedank wat met hul teenwoordigheid haar ook veilig gehou het tydens die gebeure.
• Die Observer het deur die jare al talle stories gedoen waar straatrowers kardeure oopgeruk en dan selfone en ander waardevolle artikels gegryp het. Soms het die booswigte ook die slagoffers beseer as hulle, hul probeer teënsit het.