’n Baba is ook opslag dood in gisteraand se kop-aan-kop botsing op die ou Belfastpad, waar die bestuurder van die rooi Polo waarin die baba was, ook gesterf het.

Die ongeluk het tussen 17:00 en 18:00 naby Mafube-myn gebeur.

Terselfdertyd was daar ook ’n ernstige botsing op die N11 na Hendrina.
In dié botsing is drie karre in mekaar in, en is talle mense ernstig beseer.

Die toneel was bemoeilik weens gietende reën.
Verskeie ambulanse moes na die toneel ontbied word om beseerdes na hospitale te vervoer.

Dis tans nog onduidelik wat die botsing veroorsaak het.

Hulpverleners op die toneel het gesê dat die padoppervlak baie glibberig was weens die reën.

Die oorledenes in die Mafube ongeluk is nog nie uitgeken nie.

• Die ouderdom van die baba wat op die toneel dood verklaar is kon ook nie bevestig word nie.
Die passasier in die Polo is ook ernstig beseer.