Die roudiens vir Johan Otten wat verlede Donderdag aan ’n rare kanker oorlede is, vind vanoggend om 11:00 plaas.

Sy seun, Johan (jnr) sê sy pa het middel verlede jaar skielik ’n pyn in sy sy gekry en is daar aanvanklik gedink dat hy dermontsteking het.

Na verskeie toetse is hy op 1 Oktober 2024 met ’n rare kanker, genaamd appendiceal adenocarcinoma, ’n tipe blindedermkanker, gediagnoseer.

“Dit is ’n baie aggressiewe kanker en daar is nie behandeling daarvoor in Suid-Afrika nie.”

Johan is Donderdag in die Life Kosmos Hospitaal oorlede.

Die gedenkdiens word vandag om 11:00 uit die APKerk (hoek van Sipres- en Flamingostraat in Kanonkop) gehou.

Inwoners wat dit graag wil bywoon maar nie daar kan wees nie, kan die diens lewendig op Youtube volg.

Die lewendige uitsending sal om 11:00 aanlyn gaan.

Kliek op die volgende skakel om die diens te volg: https://www.youtube.com/live/ZyphxgcijAA