Video: Rooi Nissan 1400 bakkie gesteel: kyk uit vir plakkers op bakwerk
’n Rooi Nissan 14000 bakkie is gisteraand in Gholfsig gesteel.
Plakkers op ’n rooi Nissan 1400 bakkie wat in die vroeë oggendure in AG Visserstraat, Gholfsig, gesteel is, maak dit duidelik uitkenbaar.
Aan die bestuurderskant van die bakkie is ’n swart vlakvark, regs agter die bekende restaurant, Hennie’s se bulterriër en links agter die woorde: “Get the balls to pass or get off my ass”.
Lambert van der Wath meld dat alhoewel die CCTV videomateriaal wys dat die bakkie tussen 02:45 en 02:50 gesteel is, dat dit nie baie duidelik is nie.
@middelburgobserver This red bakkie was stolen in Gholfsig at 03:00 this morning. Here, you can see the alleged thief rummaging inside the vehicle
Wat hulle wel kon uitmaak, is dat daar drie booswigte in die erf was. Hulle het stofmaskers en hoedjies op gehad om nie uitkenbaar te wees nie.
“Hulle het waarskynlik vanaf een van die bure se kant af oor die muur gekom, want ons het spikes bo op ons muur voor.”
Wat hulle dronkslaan, is dat die boewe blitsig die bakkie oopgekry het en daarmee weggery het. Hulle weet nie of hulle gekom het met sleutels of ander lopers nie.
Hul hek voor is van die spoor af forseer, wat brute krag moes verg, aangesien daar versterkings bo-op was sodat dat dit nie van die spoor af gelig kon word nie.
Die bakkie se registrasienommer is LFY648MP.
As enige persoon die bakkie opmerk, skakel Leilani van der Wath by 072 101 1122.
