Diewe wat besig was om ’n hekmotor in Kanonkop te steel, was nie bang vir die honde se geblaf nie, maar het hulle vasgeloop in die ‘byt’ van krag.

Me. Jana Capazorio sê hul krag het omstreeks 10:00 Saterdag uitgeskop en het sy dadelik die krag weer aangesit. “Ek vermoed die boosdoeners is geskok toe ek die krag aangesit het, want hulle het alles net so gelos en gevlug!”

Die gesin bly in Akasiastraat en me. Capazorio wil graag inwoners waarsku dat hekmotordiewe weer bedrywig is in dié area. “Ons honde se geblaf het hulle nie eers afgeskrik nie!”