Die Belfast gemeenskap gee om! Dit is duidelik gewys toe hulle ’n mark aangebied het om ’n gesin wat alles in ’n huisbrand verloor het, te help.

Hulle het gehoor dat voormalige inwoners van Belfast se huis in Durban (waar hulle nou bly) afgebrand het. Daar is dadelik besluit om te help, omdat die gesin veral dringend wintersklere benodig.

Tydens die mark is daar ook ’n R1 000 ingesamel vir die Belfast Kinderhuis, wat op die dag van die mark ’n tradisionele ‘Gumboot’-dans gedoen het vir die markgangers.

Daar is ook ’n babakompetisie aangebied en pryse gegee vir die jong wenners van die mnr. en mej. Belfast Markkompetisie.

Die gemeenskap wil graag dankie sê vir Jacque en Wicus van Heerden en Danie Janse van Rensburg vir die reël van die mark.

Hier is al die dag se spesiale oomblikke op kamera vasgelê: