Video: Hael lyk soos sneeusprokie, maar paaie is seepglad!
Verskeie haelbuie het buite Middelburg geval en die paaie in glybane verander.
Oral waar daar haelbuie buite die dorp geval het, lyk dit plek-plek nog of dit gesneeu het!
Vanaf sowat 12km buite Middelburg tot omtrent 20km uit op die Stoffbergpad het die hael ’n spierwit tapyt gegooi.
Dit het ook gehael by die Arnot Silo’s (ou Middelburg/Belfastpad naby Sikhululiwe Village) en Juanita Groenewald, voorsitter van die Middelburg gemeenskapspolisiërngsforum, het net na 08:00 ’n video gedeel van die hael anderkant die tolkhek op die N4 op pad na eMalahleni.
Daar is op die plaaslike noodgroepe ook melding gemaak dat die pad steeds nat en glad is van die hael en reën. Voertuie het gegly, een het omgeslaan en ’n ander een het gevaarlik in die pad gestaan.
Daar is pas ook laat weet dat dit begin hael het op die N4 naby Belfast en dat voertuie op die nat pad gly.
@middelburgobserver Hail covered roads, fields and rooftops, resembling snow, just outside Middelburg this morning. Slippery conditions persist on the roads, please drive carefully.
