‘n Man het homself in die kop by Athlonedam geskiet.

In die voertuig was ‘n papier geplak wat lees ‘ek is dood, bel vir ….’.

Die persoon wie se nommer op die papier geskryf is, word met rede nie gepubliseer nie.

Daar is kort voor die voorval op verskeie plaaslike WhatsApp noodgroepe gevra dat daar uitgekyk moet word vir die voertuig waarin die man gevind is, omdat dit volgens die boodskappe ‘n ‘moontlike selfdood poging kan wees’.

Die man is egter nog lewend voor in die voertuig gevind, en hospitaal toe gejaag deur ambulansdienste.

Sy beserings is egter uiters kritiek.

Ouers het in hul hordes by die skool opgedaag om hul kinders op te laai, onbewus van die toneel wat om hulle afgespeel het.

Die polisieondersoek gaan tans voort op die toneel.