’n Bekende plaaslike swerwer het Donderdag vlugtig in die hof verskyn nadat hy positief verbind is met twee beweerde inbrake by plaaslike skole in die dorp.
Die kringtelevisiemateriaal wys hoe ’n figuur rondsluip by die skole.
In een van die videos kan gesien word hoe die verdagte ’n asblik nader trek voordat hy deur ’n venster klim.
Op die video het die verdagte ’n rugsak by hom.
@middelburgobserver CCTV footage of recent break-ins at two local schools, was used to tie the suspect to both cases. The burglaries took place at both a high school and primary school. The suspect has already appeared in court. Middelburg
Kort nadat hy die klaskamer in is, kom hy weer uit en tel dan die rugsak op en loop weg.
Terwyl hy uitklim, haak sy hemp aan die vensterraam vas, en spook hy vlugtig om los te woel.
Een van die voorvalle was by Steelcrest High en die ander by Laerskool C.R. Swart.
Titon Security het die videomateriaal fyn nagegaan en die verdagte opgespoor.
Familielede het ook die verdagte uitgeken.
Hy is toe deur die polisie gearresteer en het Donderdag vlugtig in die hof verskyn op klagtes van inbraak.
- Hofbronne het bevestig dat Bolozlow Reynierse op die bogemelde klagtes in die hof verskyn het.
