KYK: Gordyn van reën maak paaie, kruisings en brûe bedrieglik
Volgens weervoorspellers gaan ons met reën opstaan.
Die waarskuwings was kolskoot.
Daar is geen teken dat die reën gou gaan ophou nie.
@middelburgobserver There’s no end to heavy rainfall in Middelburg, with roads and bridges flooded. This short video was shot in Njala Street by a resident and it mirrors multiple low laying areas like the Eastdene low water bridge.
Die volume water wat onverpoosd uit die hemele val, is ‘n reën wat die dorp lanklaas gesien het.
Paaie is iets om te vermy, weens water wat in kruisings opdam en brûe verspoel.
Op die snelweg gaan dit nie veel beter nie en was daar onlangs ‘n botsing tussen ‘n trok en minibus by die Arnot afrit.
Geen beserings is aangemeld nie.
Tussen Kanonkop en Dennesig is Njalastraat ‘n groot dam by die kruising.
Regdeur die dorp dam water op paaie op.
Eastdene se bruggie is ook toe onder water.
Stormwaterdreine kan ook moontlik verspoel in dele van die middedorp.
Daar is ook intussen op Traffic Alert laat weet dat ‘n kar in die ‘dip,’ net voor die tolhek vanaf Emalahleni gerol het.
Daar is gelukkig nie beserings aangemeld nie.
Volgens voorspellings is daar tussen 40% en 70% kans vir reën derunag.
Motoriste word gevra om ‘n veilige volgafstand te hou.
