Nathan Jansen van Vuuren is vanoggend suksesvol in die Eugene Marais Hospitaal geopereer.

Die groot HTS Middelburg senter het ’n ernstige kniebesering opgedoen, tydens die wedsttyd tussen die Pumas en Valke se Cravenweek spanne drie weke gelede.

Omdat hy nie ’n mediesefonds het nie, is R150 000 benodig vir die operasie.

Mense het van heide en ver hand in die sak gesteek, sodat hy geopereer kan word.

Binne ’n week is meer as die benodigde bedrag bymekaar gemaak.

Nathan het die gemeenskap, sy skool en Middelburg vanoggend uit sy hospitaalbed bedank.

Hy word vandag ontslaan waarna hy met rehabilitasie sal begin.