Laatmiddagverkeer het verby Laerskool Middelburg geswiep.
Op die rugbyveld was twee eerstespanne in ’n verwoede stryd betrokke.
Ouers het hulle kele hees geskreeu op die pawiljoene.
By vulstasies was dit ’n gestoot en stamp; die petrolprys styg middernag.

Stilte…

En tussen al die rumoer was daar stilte.
Stilte toe die son oor Middelburg sak.
Nog ’n dag verby.
Nog ’n dag van stryd en drama.
Iewers in ’n icu het iemand om sy lewe geveg.
Iewers is ’n baba gebore.
Terwyl Nicus van der Merwe aanlê pale toe, het die Liewe Heer in die Weste geskilder.
Helder kleure van rooi en oranje.
Geskilder… toe die son oor Middelburg sak…