Everbybody loves Raymond? Nee man, almal is lief vir Philip du Plessis, alias Flippie.

Die Laerskool Middelburg eerste rugbyspan gelukbringer het oornag ’n internetsensasie geword.

Sedert die Middelburg Observer drie weke gelede oor Flippie, soos sy spanmaats hom noem, berig het, het ander media soos vlooie op ’n hond se rug gespring, op die storie.

Verskeie ander webblaaie het intussen oor die Koedoekop gelukbringer berig.

Intussen is die video wat die Middelburg Observer die eerste keer geplaas het, reeds 136 100 keer gekyk.

Lesers het reageer met kommentaar soos “dankie Flippie vir jou groot hart”, ”blêrrie smart”, “wat ’n yster”, “groot respek vir die bestuur wat Flippie deel maak van die span” en “mooiste seuntjie met die mooiste hart”.