Wendy Dippenaar het een van die beste prestasies ooit van ’n plaaslike atleet behaal, sedert Johan Oosthuizen en Deon Holtzhausen se goue medaljes, deur ’n derde plek in haar ouderdomsgroep tydens gister se Comrades marathon los te hardloop.

Sy was net drie minute agter die tweede plek deelnemer in die ouderdomsgroep 60 tot 69, Louisa Goosen. Goosen se tyd was 9:37:23 en Wendy het in 9:40:20 klaargemaak.
Die wiskunde onnie, Sanet Griesel, was 10de in haar ouderdomsgroep in ’n tyd van 8:31 uit 597 deelnemers.

“Dit was kliphard maar die ervaring was ongelooflik. Op die einde het dit gevoel soos die wêreldkampioenskappe in Kona soos die toeskouers ons langs die pad ondersteun het. Die laaste vier kilometer was die mense bankvas aan altwee kante van die pad en hulle het ons so aangemoedig dat ek emosioneel tranerig was.
“Ek het maar gestoei, 10 weke van hardloop na die Cape Epic was te min vir Comrades,” het Sanet gesê.
Daar was ook teleurstelling.

Theuns Luus het nie sy 22ste Comrades klaargemaak nie.
“Dit is die eerste keer dat ek moes stop. Dit is een ding van Comrades, jy moet nie begin as jy nie honderd persent reg is nie. Toe ek op halfpad opgehou het, was my tyd 5:52 maar ek het ontsettend seer gehad. Ek is steeds gemotiveerd vir volgende jaar.”
Sy seun, Theuns junior, het ’n Bill Rowan medalje verower.
Zander Malan kan daarmee spog dat hy sy pa weggehardloop het (grappie). Sy tyd was 11:25:03 en sy pa Jean 11:25:04.

Midack atlete se uitslae is:

• Koos van Wyk, Vic Clapham medalje 11:54:51.
• Retha Strydom, brons 10:35:28.
• Faith Tatenda Maruziva het nie klaargemaak nie.
• Vanessa Haarhoff,     Vic Clapham medalje 11:58:18.
• James Faber, Vic Clapham 11:34:00

Middelburg Marathonklub:

Rooies Atletiekklub:

• Theuns Luus,     Bill Rowan     08:41:44.