Nathan Jansen van Vuuren se rehabilitasie na sy knie-operasie verloop so goed, dat hy al sonder sy krukke oor die weg kan kom.

Hy het die wedstryd Saterdag tussen die Pumas en Blou Bulle se Cravenweek spanne bygewoon.
Dit is dieselfde Hoërskool Middelburg veld waar hy knieligamente geskeur het in ’n wedstryd teen die Valke se Cravenweekspan.

R150 000 ingesamel

Die geemeenskap het daarna saamgespan en meer as R150 000 ingesamel sodat hy geopereer kon word.
Jansen Van Vuuren sê hy hoop om in Februarie 2027 na die speelveld terug te keer.
Hy gaan ook sy skoolloopbaan by HTS Middelburg voortsit.

“Waar is Boepens?”

Hy is steeds ’n gewilde lid van die Cravenweekgroep al kan hy nie in vanjaar se week speel nie.
Toe daar Saterdag na die tyd ’n spanfoto geneem is wou almal net weet “waar is Boepens?”, “waar is Boepens?”.

Sy bynaam by HTS Middelburg is “Boepens”.
Hy het toe trots saam met die span poseer.