Moenie vir Willie en Wollie vlak kyk nie.
Dié twee Kranspoort vlakvarke het geen vark in hulle nie.
Pure gemanierd.
Eintlik moes hulle name Dawid en Jonathan gewees het.
Hulle loop saam, eet saam, lê saam…en vryf mekaar ewe liefdevol met hulle harige snoet.
Net soos Pumba van die Lion King-fliek is hulle goedhartige vlakvarke.
Pumba se beste vriend in die fliek was natuurlik die meerkat Timon, wat hulle aan die sorgvrye Hakuna Matata-filosofie bekendgestel het.
Wanneer Kranspoort se vlakvarke moeg is vir die bosveldstof stap hulle by die gastehuis in wat na hulle “vernoem” is, Pumba’s Den.
Eienaars Noleene en Jimbo Gordon laat die twee maar begaan.
Behalwe vir Willie en Wollie is daar ook mos Penny die koedoe en Bismarck die duif.
Om meer oor Bismarck te lees, hou die Middelburg Observer se webblad dop.
