Hoërskool Middelburg kry nie net ’n nuwe hoof van sport nie, maar ook ’n top atletiekafrigter.

Mnr. Jaco van der Merwe (42) is aangestel as nuwe sporthoof in die plek van mnr. Coené Nolte, wat na Grobersdal verhuis om by Ben Viljoen aan te sluit.

Mnr. Van der Merwe het op Heidelberg grootgeword en Laerskool AG Visser en Volkskool op die dorp bygewoon.

Hy sluit hom die derde kwartaal by Middies aan, nadat hy ’n groot rol gespeel het by Menlopark se sport waar hy naellope, hekkies en rugby afgerig het.

Die o/20 Suid-Afrikaanse vroue kampioen in die 100m en 200m word deur hom afgerig.

Sy belangstelling in sport is egter nie net atletiek en rugby nie, maar ook crossfit en krieket.

Hy glo dat sport ’n kragtige voertuig is om lewens te verander en toekomstige leiers te ontwikkel.