Judy Toua het al meer as enigiemand anders beleef hoe die dood sterwendes bekruip.
Wanneer hulle deur die dal van doodskaduwee worstel, is sy daar.
Sy word beskryf as die “engel” van Middelburg.
Judy is al 48 jaar in diens van hospice om terminale sorg te doen.
Wanneer haar wit Unotjie gesien word, het inwoners geweet sy is op pad na ’n terminaal siek pasiënt.
Die Uno was gaar gery.
En toe uit die bloute koop ’n anonieme persoon vir haar ’n splinternuwe voertuig.
Tydens hospice se bekendstelling van hulle opgegradeerde fasiliteite, het sy gesê “daar is nie nog ’n gemeenskap soos die van Middelburg nie”.
Die persoon wat die voertuig geskenk het, wou geen erkenning vir sy goeie daad hê nie.Hy het darem die beloning om elke aand te gaan slaap, met die wete dat ’n “engel” op pad is om ’n sterwende by te staan, in die voertuig wat hy gekoop het.
Daar is deesdae ’n tweede “engel” aan die sy van Judy met Heidi da Silva wat haar bystaan.
