Wanneer fietsryers Saterdagoggend (25 Julie) agt uur by Alzu Petroport wegspring, in die 100 en 50 myler gruis- en bergfietswedren, kan hulle Eugene Marais se gedig “Winternag” oproep.
O koud is die windjie
en skraal,
En blink in die doflig
en kaal,
so wyd as die Heer se genade,
lê die velde in sterlig en skade.
En hoog in die rande,
versprei in die brande,
is die grassaad aan roere
soos winkende hande…
In die koel bewolkte oggend gaan die windjie aanvanklik koud en skraal wees.
Die grassade gaan roer soos winkende hande.
En dan gaan daar oor 160 en 80km getrap word in heerlike sonskynweer.
Die oggend begin ook met ’n lastige windjie.
Langs die pad gaan die boeregemeenskap sorg vir waterpunte en tipiese Middelburgse gasvryheid.
Dit is nie ’n tegniese roete nie met mooi plaaspaaie.
Daar kan net tot vanaand (Sondagaand 19 Julie) om middernag ingeskryf word.
Inkrywings beskikbaar by https://themunga.com.
