Daar is vlamme wat blaas, wanneer ’n bal teen die grens klap vir ’n vier of oor die grenstou vlieg vir ’n ses.

Die plaaslike hoërskole het reuse tente opgeslaan, waar daar gekuier word en krieket uit die boonste rakke word gesien.

Dit was weer Laerskool Middelburg se beurt vir pajamakrieket – hulle gewilde Aandreeks.

Die skool het gewys jy moet groot gaan of jy moet huis toe gaan.

In pure slaat-en-soek krieket tradisie is die reeks met groot fanfare aangebied.

Vanaand is die hoogtepunt wanneer die eindstryd tussen Laerskool Staatspresident CR Swart en Klipfontein se o.12 spanne om 15:00 plaasvind.

Die witwarm o.13 span van die Koedoekoppe pak Taalfees van eMalahleni in die eindstryd, met die prysuitdeling wat daarna volg.