Haal uit julle dik jasse en sambrele, die ysbere is op pad. Middelburg gaan volgende week bibber.
Saam met die bitter koue en reën word daar vanaf Maandag ook sterk winde verwag.
Daarom het die Groter Middelburg Brandbeskermingsvereniging vanaf more (8 Augustus) ’n brandverbod.

Rudolph Uys, van die brandbeskermingsvereniging, het gesê brandpermitte gaan nie tot verdere kennisgewing uitgereik word nie.

Temperature gaan nog more 22° wees, Sondag 21° maar gedeeltelik bewolk, Maandag sak temperature tot 17° met reën en wind.

Bly Dinsdag in die bed want temperature val tot 7° met reën en wind wat voorspel word.
Teen Woensdag sal die kwik so effe styg tot 13°, maar dit gaan steeds koel wees. Dit gaan dieselfde wees Donderdag, voordat dit begin warmer word Vrydag (15°), met ’n heerlike 21° Saterdag.