Die Pumas se o. 21-span, wat Saterdag die Suid-Afrikaanse reeks begin, het verskeie veranderinge ondergaan nog voordat hulle op die veld gedraf het.

Die aanvanklike span moes drasties verander word omdat verskeie Naka Bulle o .21-spelers nie beskikbaar is nie.

Die Pumas speel om 13:00 teen die Valke op die Barnard-stadion in Kempton Park.

Hanro Terblanche, oud- HTS Middelburg-losvoorspeler, is nie meer in die opdrafspan nie, terwyl Valera Breytenbach, wat op haker gekies is, weer terugskuif na die kant van die skrum.

Breytenbach is die voormalige Blitsbok, Conrad Breytenbach, se seun.

Gerry Gendall volg in die voetspore van sy pa, wyle Gerry (senior), wat hoofsaaklik senter en losskakel gespeel het.

Die Pumas sal goed wil begin nadat hulle verlede jaar in die eindstryd vasgeval het.

Pumas: 

Azu Magqaza, Lian Jordaan, Josh van Schalkwyk, Uyanda Fikizolo, Katlego Makamu, Gerry Gendall, Andeon Pringle, Nkateko Phakula, Believe Mwabai, Valera Breytenbach, Michael Versfeld, Jayden Bekker, Siba Lamola, Jan de Wet, Eben van Wyk. Plaasvervangers: Jayden Packer, Amukelo Mtetwa, Sam Hadebe, Andre Smit, Stephan Nkosi, Jeand-Dre Claassen, Bayron Adams.