Een van HTS Middelburg se legendariese onderwysers, Gert van Buuren, is Maandag oorlede.
Hy sou op 4 Desember 2026 sy tagtigste verjaardag gevier het.

Sy vrou, Susan, sê hy het komplikasies ontwikkel na ’n galblaasoperasie in die Life Kosmos-hospitaal op eMalahleni en is Maandag oorlede.

Van Buuren het in 2011 afgetree na ’n loopbaan van 25 jaar by die skool.
Die egpaar het die laaste klompie jare in Treurhof, Gholfsig, gewoon.

Hy laat sy vrou, oudste seun Abrie en sy vrou Corlia, seun Altus en sy vrou Therina, en vier kleinkinders agter.
Begrafnisreëlings sal later bekend gemaak word.