Hoërskool Middelburg se kriekettoekoms lyk blink. Al het die Middies Saterdag in die Fain Noordvaal-semifinaal teen Waterkloof vasgeval, blyk daar soveel jong talent te wees dat die skool volgende jaar ongetwyfeld weer ’n krag op die krieketveld sal wees.

Die krieketprogram wat ’n paar jaar gelede deur die beheerliggaam van stapel gestuur is, met Shaun Neethling aan die stuur van sake, werp steeds vrugte af. Die goeie nuus is dat die kern van vanjaar se eerste span behou word, aangesien slegs vier gr. 12-leerlinge deel van die 2026-groep is.

Die Klofies het Saterdag hul staal gewys deur Middelburg se teiken van 217 met sewe boulbeurte en 50 oor te oortref. Waterkloof pak nou Garsfontein in die eindstryd.