Graad 8-VKR by Ben Viljoen aangewys
Estelle Myburg en Tetelo Dikotope is as graad 8-VKR-lede by Ben Viljoen se koshuise verkies.
Hoërskool Ben Viljoen se graad 8 Verteenwoordigende Koshuisraad (VKR) is aangewys.
Die kies van die VKR-lede bied graad 8-leerders die kans om met die intrapslag leierskapservaring op te doen.
By Huis Cherié Dogterskoshuis is Estelle Myburg tot die VKR verkies. Haar aanwysing weerspieël volgens die skool haar entoesiasme, verantwoordelikheid en die vertroue wat mede-leerders en opvoeders in haar stel.
Tetelo Dikotope is as lid van die VKR van Boomhuis Seunskoshuis aangewys. Sy verkiesing getuig van sy leierskapsvermoë en sy bereidwilligheid om ’n verskil in die koshuisomgewing te maak.
Die skool het beide leerders gelukgewens met hul prestasie en hulle sterkte toegewens vir die nuwe verantwoordelikhede wat voorlê.
Daar word uitgesien na die waardevolle bydraes wat Estelle en Tetelo gedurende hul termyn tot die koshuise en hul mede-leerders sal lewer.
