Nog onderskeidings vir HTS
Die 2015-matriekgroep van HTS Middelburg glimlag van oor-tot-oor nadat die hersienuitslae 'n addisionele aantal van nege A-simbole tot hul reeds puik prestasie gevoeg het! Die Rooies spog nou met 'n skitterende 273 A-simbole!
Die volgende matrikulante se individuele aantal A’s het ‘n hupstoot gekry:
•Sewe onderskeidings:
Michelle Kolver – Engels (82%), Wiskunde (83%), LO (89%), Rekeningkunde. (86%), Geografie (84%), LW (89%) en Afrikaans (80%).
Ses onderskeidings:
Johandré Olckers – Afr. (82%), LO (89%), IGO (83%), Meganiese Tegnologie (84%), FW (82%) en Eng. (81%).
Vyf onderskeidings:
Ruvé Benadie – Afr. (84%), LO (96%), RTT (86%), Geografie (85%) en Eng. (82%).
Estuné Gous – LO (89%), Rek. (93%), Geografie (82%), FW (80%) en Eng. (81%).
Christophe van der Merwe – LO (90%), Rek (95%), Besigheidstudie (89%), FW (81%) en Wisk (80%).
Grethe Maritz ontvang ‘n ere-toekenning as die nasionale 2015-toppresteerder in Afrikaans! Grethe was deel van ‘n uitsoekgeselskap wat deur die ATKV Centurion uitgenooi is na ‘n spesiale geleentheid vir Gr.12-toppresteerders in hul moedertaal. Die eretoekenningsaand is op Internasionale Moedertaaldag (20 Februarie) in die ou Raadsaal op Kerkplein in Pretoria gehou.
