Middelburg atlete skitter by MUSSA-Kampioenskap

Middelburg atlete het Saterdag, 28 Februarie hul staal wys teen die bestes in Mpumalanga.

March 5, 2026

Carmia Jansen van Vuuren 1 minute read

mussa, atletiek, sport, middelburg mpumalanga — Laerskool CR Swart se Janay Janse van Rensburg, het die dogters o/11 70m hekkies gewen. Foto: Hannes Rossouw.

Laerskool Kragbron was die gasheer van die Provinsiale Atletiekbyeenkoms.

Verskeie atlete het deelgeneem en topplekke behaal om opgeneem te word in die Mpumalanga-span wat op 18 tot 21 Maart in die Wes-Kaap gaan deelneem.

Laerskool C.R. Swart:

Vier atlete het deelgeneem en vir die span gekwalifiseer.

Janay Janse van Rensburg (o/11) eerste 70m hekkies en verspring, Milané Smith (o/11) tweede 70m hekkies, Beaulyn Niemand (o/11) derde gewigstoot en Zelmari Maree (o/13) tweede gewigstoot en skyfwerp.

Janay Janse van Rensburg, Milané Smith, Beaulyn Niemand en Zelmari Maree van Laerskool CR Swart. Foto: Verskaf.

Laerskool Dennesig:

Vier atlete het deelgeneem waar Omphile Kgapola (o/10) ’n derde plek behaal het.

Die ander atlete wat deelgeneem het, was: Naledi Radingwana (o/9) 80m, Nzuzu Nkosi (o/12) 75m hekkies en Lesego Seloane (o13) spiesgooi.

Middelburg Primary School:

Sewe atlete het deelgeneem aan die byeekoms en dring die volgende drie atlete deur: Lubanzi Mlangeni eerste 100m en 150m, Mpendulo Kumbe tweede hoogspring en derde 80m hekkies en Kea Phasha derde 75m hekkies.

Laerskool Middelburg:

Koedoekoppe het behoorlik die baan aan die gons gehad met 23 atlete wat deelgeneem het.

Vier atlete het topposisies verwerf: Lunga Misibi (o/12) tweede verspring, Muller Potgieter (o/13) eerste gewigstoot en skyfwerp, Nea Versfeld (o/13) eerste skyfwerp en Theo Nilsen (o/13) eerste skyfwerp.

Laerskool Middelburg se NJ Grobler. Foto: Carmia Jansen van Vuuren.

Die ander atlete wat deelgeneem het, is:

O/13: Wakhe Skosana (spiesgooi), Caleb Cullen (hoogspring), Nicus van der Merwe (80m, 200m hekkies), De Villiers Boshoff (spiesgooi), Kara Nieman (800m, 1 500m), Entle Dibakoane (75m hekkies), Liané van der Heever (gewigstoot).
O/12: Reinhardt Davel (skyfwerp), Sakhiwesihle Simelane (150m hekkies, 75m hekkies), Konkekwethu Sithole (75m hekkies), Renate Beukes (hoogspring, skyfwerp), Mienke Smit (spiesgooi).
O/11: NJ Grobler (gewigstoot), Zhuan Jordaan (1 200m), Abigail Harms (gewigstoot), Simoné van der Merwe (gewigstoot), Milandi Prinsloo (verspring).
O/10: Livan Ludeke (gewigstoot), Henré Jansen van Rensburg (70m hekkies).

Laerskool Kanonkop:

Kanonnies se atlete het plofkrag getoon met vyf atlete wat by die kampioenskap deelgeneem het.

Carli van Niekerk (o/12) het ’n eerste plek in gewigstoot behaal.