Die Groblersdal Rolbalklub se klubhuis het onlangs ’n netjiese nuwe voorkoms gekry nadat die plafon op die stoep opgeknap is met verf wat deur Build It Groblersdal geskenk is.

Benewens die verf het die onderneming ook ’n kruiwa aan die klub geskenk, wat groot waardering onder lede ontlok het.

Volgens die klub is die projek reeds voltooi en het die varsgeverfde plafon vir ’n merkbare verbetering aan die algehele voorkoms van die klubhuis gesorg.

Die klub het sy opregte dank uitgespreek teenoor Build It Groblersdal vir die ondersteuning en bydrae tot die opknappingsprojek.

Spesiale dank is ook oorgedra aan komiteelid Hannes van Rooyen en die klub se toegewyde baanopsigter, Tom Moyo, vir hul harde werk en toewyding.

Lees ook: Daller vier eenheid en omgee