Ses vermeende kapers wat met ‘n vragmotor met meer as ‘n halfmiljoen rand se vleis op die R557 betrap is, sal vandag in die Carletonville-landdroshof verskyn op aanklagte van kaping en ontvoering.

Parys Gazette berig dat Kolonel Adéle Myburgh sê die ses, tussen die ouderdom van 28 en 48, is gearresteer nadat die polisie inligting gekry het oor die moontlike kaping van ‘n vragmotor wat meer as R500 000 se vleis vervoer het.

‘n Multidissiplinêre misdaadintelligsie operasie deur lede van die polisie se teenbende eenheid, die dwelmtaakspan, taktiese reaksiespan (Klerksdorp), Johannesburg K9, Carletonville-speurders en Gauteng Wesrand Distrik Landelike Veiligheid se private sekuriteitsmaatskappy is Donderdag op die R557 tussen Carletonville en Randfontein gehou. Hier is die verdagtes voorgelê kort nadat die vragmotor die oggend om 07:45 gekaap is.

Tydens die arrestasie is beslag gelê op die vragmotor en die vleis, sowel as nog drie voertuie wat glo tydens die misdaad gebruik is.

Breaking news at your fingertips… Follow Caxton Network News on Facebook and join our WhatsApp channel.

Nuus wat saakmaak. Volg Caxton Netwerk-nuus op Facebook en sluit aan by ons WhatsApp-kanaal.