Joe Foster verlaat ADAM

Die suksesvolle Afrikaanse groep, ADAM, het pas bekendgemaak dat een van hulle lede die groep gaan verlaat.

ADAM het Woensdag in ‘n mediaverklaring bekend gemaak dat Joe Foster die groep gaan verlaat weens ‘n geskil met ander groeplede.

“Die groep ADAM wil graag hiermee aankondig dat Joe Foster die groep na afloop van Skouspel verlaat het weens verskeie verskille tussen die lede van die groep. Hierdie was ’n gesamentlike besluit van die groep en hulle gaan as vriende uitmekaar.”

Die verklaring het ook verklap dat ‘n nuwe lid binnekort by die groep gaan aansluit en dat hulle eersdaags die nuwe gesig aan die publiek bekend gaan maak.

“ADAM gaan ’n opwindende tyd binne en sien uit daarna om eersdaags die nuwe lid aan die publiek bekend te stel. Joe Foster sal binnekort sy toekomsplanne bekend maak.”