UNgqongqoshe nomkhankaso wokuthuthukisa ezemidlalo emakhaya
TV star, Nompilo Maphumulo, better known as Nosipho "Ntwana Yami" in the television drama, uZalo, entertained at the recent Nquthu fun run organised by the Department of Sport and Recreation.
UNgqongqoshe Wezemidlalo Amaciko naMasiko Kwa-Zulu Natal, uNkk Bongi Masithole- Moloi uthuthukise ezemidlalo eNquthu ngokuba agqugquzele umdlalo wokugijima i- Fun Run. Labagijimi bebegijima amakhilomitha ayishumi, besuka esigodini saseMafihleni belibangise ezinkundleni zomidlalo eNquthu Stadium. Lo mdlalo ubusingathwe abagijimi abaphuma ngaphansi kwemikhandlu yeziFunda uMzinyathi, Amajuba kanye noThukela.
Isicoco sokuqala kwabesilisa sika R3 000 nesesibili sika R2 500 sithathwe izinsizwa zomkhandlu wase-Newcastle uSyabonga Nkonde kanye no-Ayanda Ncube.
Kwabesifazane isicoco sithathwe izintombi eziphuma ngaphansi komkhandlu waseMvoti, eMyudeni. Esokuqala sika R3000 siye kuThembisile Zungu, esesibili sika R2 500 sathathwa ngu Ntombifikile.
Mhlanga. Kulemidlalo bekuhlanganiswe nemidlalo yabakhubazekile, isicoco sithathwe ngu-Calvin Ngobese (34) ophuma ngaphansi komkhandlu wase Nquthu kwa-Ward 10 ophume phambili ngokugijima ngesihlalo.
Kubonakale ubumnandi enkundleni zemidlalo ngenkathi kuklonyeliswa abawinile. UNgqongqoshe noMnyango wakhe kade bememe nosaziwayo boMsakazo, Ukhozi Fm uNjinji, Dj Mngadi no Dj Nzwiri. Bebehambisana nabalingisi uNosipho ‘Ntwana yami’ noMondli ‘oyiphoyisa’ kumdlalo kamabonakude odumile uZalo. U-Dj Mngadi uthe, “kuyakhuthaza kakhulu ukuba sizivocavoce, singabi nemikhaba, futhi lokhu okwenziwe nguNgqongqoshe kwenza nokuthi nabakhubazekile bazibone bebalulekile emphakathini.” Uzwakalise injabulo yokuba seNquthu, kanti futhi uNompilo Maphumulo odlala ukuba uNosipho ‘Ntwana Yami’ kumdlalo kabonakude ‘uZalo.’ “Kumnandi kakhulu ukuba seNquthu, lokhu nami kungenze ngabona ukuthi kusamele ngizivocavoce kakhulu kunakuqala,” kulanda u-DJ.
UNgqongqoshe uMasithole- Moloi naye uzwakalise injabulo ethi, lolusuku lube yimphumelelo kakhulu kanti futhi akuzugcina lapha. “Lesi kuseyisiqalo ngonyaka ozayo sizowandisa lomdlalo ngamakhilomitha ayishumi nanye kube ngu (21 km) ukuze kufikwe ezingeni le-Marathon, ezoba ngeyase Mzinyathi namaphethelo.” Uthe iphupho lakhe ukubona i-Nquthu ithuthukiswa ukuze ifane namadolobha amakhulu. Uqhube wathi intsha kumele ikwazi ukuziphilisa ngaphandle kokushiya indawo yakubo ngoba ithi iyofuna amadlelo aluhlazo. Uphinde wancoma uNgqongqoshe wokuThuthukiswa kwezoMnotho Kwa-Zulu Natal, uMnuz Sihle Zikalala oqoke ukubamba i-Business Expo endaweni yaseNquthu. “I Nquthu sekuzoba iwona masipala odumile kunayo yonke, “kusho uNgqongqoshe.
Seziningi izinhlelo zokuncebeleka uNgqongqoshe asezethulile eNquthu. Kukhona umcintiwano owaziwa nge- Gospel Festival oba minyaka yonke lapho kusuke kuboshelwe abaculi bokholo abahamba phambili Kwa-Zulu Natal. UNgqongqoshe uphinde wenza idli likaKhisimuzi wogogo nabantwana. Uvuselela umcimbi womqhudelwano weminyaka yonke wokushaywa kweNgoma ehlobahlosile.
