‘n Baie spesiale dame het ‘n spesiale 90ste verjaardagpartytjie by die Glencoe SAVF-sentrum verlede week ontvang.
Sarie Neethling het ‘n koninklike ontvangs gekry toe sy van familie in Bloemfontein en Kaapstad na Glencoe teruggekeer het om haar dag te vier. Tannie Sarie is al vir die laaste 10 jaar ‘n baie gewilde inwoner in die SAVF-tuiste.
Ten spyte van haar gevorderde ouderdom, is sy steeds in gemeenskapswerk betrokke, hou van blokkiesraaisels en om ander mense om haar te help. Sy is die moeder van die gewese hoof van Hoërskool Sarel Cilliers, Dr. Tinus Neethling, en het Glencoe verlaat toe Dr. Neethling en sy vrou Liezl met sy aftrede na die Vrystaatse hoofstad verhuis het.

Sy spandeer natuurlik ook graag tyd saam met haar ander dogter, Lynette van Wyk, in Kaapstad.
Sy is met ‘n groot gedoente deur Betty Wolfaardt, Bets van der Mescht en andere by die SAVF-sentrum verwelkom terwyl sy trots haar groot wapen met die woorde “Verjaardagmeisie” daarop, gedra het. Die Neethlingfamilie het natuurlik ook ‘n spesiale reunie by Drakensville geniet voordat elkeen weer op sy eie pad gegaan het.
Gelukkige verjaardag, liewe Sarie.
Hierdie verjaardagpartytjie was ‘n lofprysing vir die uiters spesiale manier waarop jy so baie lewens in Glencoe aangeraak het.