Mhleli
Singumphakathi sishayela ihlombe umshado ka Khongolose neMeya yeNkatha. Zisuka nje sebethembise ukusukumela umbiko wophenyo lwenkohlakalo kwaMasipha wokudliwa kwezimali nokungaziphathi kahle. Sizibheke ngamehlo abomvu izinyathelo ezizothathwelwa zonke izikhohlakali ezithintekayo ukubaziboshwe futhi zibuyise imali yethu.
Kwasithusa ukubona intsha elidlanzana iba ngosozigidi ngomzuzu njengoba isondelene nezikhulu ezikhipha amathenda nabanye bamakhansela. Ithenga izimoto inqwaba zezigidi, imizi kanokusho kanye nama-truck, ichomela enye intsha nomphakathi. Kubhubhudlwa imali yoMkhandlu sibe sikhokhiswa ugesi nama- rates ngemali enkulu.
UKhongolose ankenze ubulungiswa bafeze izethembiso zokulwisana nenkohlakalo. Ngale kwalokho singumphakathi siyoba nesizathu esiqinile sokubhikisha nokungavoti.
Umphakathi Okhathazekile
