Parysenaars wys hul staal by SA baanfietskampioenskappe
Baanfietse verskil van padfietse in die opsig dat dit geen ratte of remme het nie.
Drie Parysenaars het die afgelope week op die intimiderende Velodrome-baan in Belville aan die SA Nasionale Baanfietskampioenskappe deelgeneem. Skuins gedeeltes om die draaie op dié baan het ‘n helling van 43°.
Riko Vorster, ‘n leerder van Hoërskool Parys behaal in die seuns o17-afdeling die volgende plekke: Negende plek vir die 1 500m, ‘n negende plek in die 5 000m Scratch Race, ‘n 11de plek vir Keirin 1 500m, ‘n 11de plek in die individuele 500m tydtoets, ‘n negende plek vir die 10 000m, sesde plek Individual Pursuit 2 000m en ‘n 12de plek in die 200m Match Sprint.
Veteraan en oud SA-kampioen André Joubert skitter in die 75+ afdeling met eerste plekke in die 2 000m Individual Pursuit, die 7 500m Scratch Race, die 500m tydtoets en die 200m Match Sprint.
Dawie Bornman behaal in die Meestersafdeling vir baanfietsryers 65-69 jaar derde plekke in die 2 000m Individual Pursuit en 1 500m, asook ‘n tweede plek in die 7 500m Scratch Race.Baanfietse verskil van padfietse in die opsig dat dit geen ratte of remme het nie.
