Die Suid-Afrikaanse Weermagvereniging (SAWV) se Eenheid Koepel in Parys het die afgelope naweek saam om die ontbyttafel by die 1919 Restaurant on Vaal gekuier.

By die geleentheid bekend as Ops Kolgans, kon lede mekaar beter leer ken. Dit was ook die eerste geleentheid wat die nuwe bestuur van die eenheid aangebied het.
Lidmaatskap tot die SAWV is oop vir oudsoldate en veteraan Staandemag- en Burgermaglede, kommandolede, hulpdiens, nasionale dienspligtiges, lede van die Leër, Lugmag, Vloot en Geneeskundige dienste. Die vereniging bied verskeie voordele aan sy lede.

Eenheid Koepel is drie jaar gelede gestig, en is die eenheid se doelstellings op vier pilare gebou – ondersteuning, erkenning, herdenking en gemeenskapsprojekte. Die organisasie is A-polities en werk nou saam met kerke en welsynsorganisasies om ‘n verskil in mense se lewens te maak.