Snerpende koue wat regoor die land die afgelope week gevoel is raak ook troeteldiere. Dit is belangrik dat jy voorsiening maak vir hulle. Soos mense kry veral ouer honde se heupe en bene swaar in die koue.

* Maak seker dat daar altyd skuiling is, hetsy dit ‘n hondehok, motorhuis, stoep of buitekamer is. Meer belangrik is dat jy seker maak dat jou troeteldier te alle tye toegang het tot die skuiling ook in wind en reën.

* Maak voorsiening vir isolasie en komberse.

* Jy kan belê in ‘n verhitte matjie as jy ‘n ouer troeteldier het.

* Draai boontjiesakkies wat in die mikrogolf warm gemaak kan word toe in komberse vir ekstra hitte.

* ‘n Infrarooi lig kan ook ekstra hitte bied, maar maak seker dit is op ‘n veilige plek en buite bereik van jou hond of kat.

* Maak seker jou troeteldier se ente is op datum om hulle teen siektes te beskerm.

* Gee ‘n bietjie ekstra kos, maar nie te veel nie, sodat jou troeteldier nie oorgewig word nie.
Die katjies op die foto is tans beskikbaar vir aanneming.