Baie dankie aan Mike en Stephanie Fourie en vrywilligers uit die gemeenskap wat steeds help om Parys se geskiedkundige hangbrug oor die Vaalrivier uit eie sak instand te hou, en wat ook die naweek toegesien het dat ‘n deurgeroeste paal by die hangbrug herstel is.

Dit is ook danksy hierdie toewyding dat die omgewing van die hangbrug weekliks skoongemaak word. Philip van Kelroy Tuindienste help op sy beurt om die oewergras te sny en die vullisdromme langs die oewer leeg te maak.

‘n Skoon omgewing is elkeen van ons se verantwoordelikheid. Die naweek het ‘n handvol vrywilligers saam met MooiParys en DA-lede nie minder nie as 57 sakke vullis langs die rivieroewer naby die hangbrug opgetel.

Van gebruikte kondome tot wegneemete houers is opgetel. Die jammerte – daar is vullisdromme oral langs die rivieroewer.

Doen jou deel en help om ons omgewing skoon te hou