n 53-jarige man sal Maandag in Sasolburg voor die hof verskyn op aanklagte van die besit van dwelms ná ’n voorval by die Groenpunt Korrektiewe Sentrum by Deneysville waar hy probeer het om dwelms en selfone in die gevangenis in te smokkel.

Die dwelms en selfone is by die man gekry tydens roetine-soekprosedures by een van die hekke van die fasiliteit. Met die aanvanklike roetine-soekprosdure het amptenare twee selfone en selfoonlaaiers tussen die ‘besoeker’ se besittings ontdek.

Met ‘n meer deeglike deursoeking in die teenwoordigheid van korrektiewe amptenare, is pakkies met verskeie dwelms by die man gekry waaronder dagga, nyaope, kristalmetamfetamien, en addisionele selfone, laaiers, en los sigarette gekry is.