Jy’t reg gelees – 100% mahala, Dit kos jou nie ‘n sent om aanlyn te registreer om te kan stem in die komende munisipale verkiesing op 4 November.

Volgens die Onafhanklike Verkiesingskommissie (OVK) is daar geen data koste vir aanlyn registrasies nie, en daarom geen verskoning vir kiesers om nie te registeer om te stem nie.

Met net ‘n paar vinnige stappe op jou selfoon kan jy registreer of jou adresbesonderhede opdateer by https://www.registertovote.elections.org.za

As jy nie aanlyn wil registreer nie is daar nog ‘n laaste kans om op 1-2 Augustus in persoon te registreer by stemlokale tydens die OVK se finale registrasienaweek voor die munisipale verkiesing.

As jy onseker is waar die korrekte stemlokaal is om te registreer gaan na https://maps.elections.org.za/vsfinder/

Wanneer jy na ‘n stemlokaal gaan om te registreer het jy slegs jou ID-dokument (groen ID boekie of ID-kaart) of ‘n geldige Tydelike Identiteitsertifikaat nodig. Geen bewys van adres is nodig nie, maar jou adres sal wel gevra word.

Onthou ook dat andes as met ‘n nasionale verkiesing, jy nie by enige stemlokaal kan stem as jy geregistreer is nie. Vir ‘n munisipale verkiesing moet jy stem by die stemlokaal waar jy geregistreer is.