Aansoeke vir spesiale stemme sal op 21 September open en sluit op 12 Oktober.

Mense wat vir spesiale stemme aansoek wil doen, kan dit doen by hul naaste OVK-kantoor of aanlyn. Spesiale stem aansoeke is onder meer vir

• gestremdes of verswakte persone/
• hulle wat weens siekte nie op 4 November by ‘n stemlokaal kan kom nie
• essensiële werkers wat op stemdag moet werk byvoorbeeld wetstoepassers en nood mediese dienste
• of as jy weens reis- of werksverpligtinge nie by die stemlokaal waar jy geregistreer is sal wees op 4 November.

Mense wie geregistreer is vir ‘n spesiale stem hetsy met ‘n tuisbesoek of by die stemlokaal waar hul geregistreer is, sal op 2 en 3 November geleentheid kry om te stem.

Let daarop dat diegene wat tuis besoek sal word op die genoemde datums, moet seker maak dat hul wel tuis is wanneer OVK-beamptes by jou adres kom. Beamptes kan nie terugkeer na adresse waar kiesers nie tuis sou wees nie.

• Die kiesersrol is Vrydag 14 Augustus gefinaliseer en sal ‘n aankondiging hieroor dienooreenkomstig in die staatskoerant gepubliseer word.

• Stemlokale is ook reeds gefinaliseer en het Parys, Vredefort, Koppies en Edenville ‘n totaal van 53 stemlokale.

• Heilbron wat voorheen deel was van die Ngwathe Munisipaliteit, sal na die munisipale verkiesing deel wees van die Metsimaholo Plaaslike Munisipaliteit.

• Politieke partye het nou geleenhteid om van 17 tot 28 Augustus om 17:00 hul kandidate te registreer vir die komende munisipale verkiesing.