Water vloei steeds oor die R59 net buite Viljoenskroon by die silo’s. Die water is afkomstig vanaf ‘n waterpan langs die pad.

Motoriste word ernstig gewaarsku om alternatiewe roetes hier te volg. Daar is geen waarskuwingsborde nie, en hoewel die pad nie gesluit is vir verkeer nie, kan voertuie nie deur die water beweeg nie.

‘n Vragmotor het Maandagoggend rondom 07:00 hier in die water vasgeval, en is dit die soveelste voertuig wat insleepdienste uit die water moet haal.